कांग्रेस नेता जोशीको अन्त्येष्टि शनिबार, कांग्रेसले बोलायो आकस्मिक बैठक

काठमाडौं– नेपाली कांग्रेसका नेता नवीन्द्रराज जोशीको निधन भएको छ। मस्तिष्क घात भएपछि फागुन १४ गते नर्भिक अस्पतालमा भर्ना भएका जोशीको शुक्रबार साँझ ८ः२४ बजे निधन भएको हो।

केन्द्रीय सदस्य जोशीको निधनपछि कांग्रेसले केन्द्रीय समितिको आकस्मिक बैठक बोलाएको छ। उनको शव अन्तिम श्रद्धान्जलीका लागि शनिबार बिहान १० बजेदेखि १ बजेसम्म केन्द्रीय कार्यालय सानेपामा राखिने भएको छ।