प्राइम सहकारीको डेढ अर्ब अपचलन, ८ जना पक्राउ

पोखरा । पोखरामा अर्को एक सहकारीमा १ अर्ब ५४ करोड रुपैयाँ अपचलन तथा हिनामिना गरेको अभियोगमा पदाधिकारीसहित ८ जना पक्राउ परेका छन् ।

पोखरा महानगरपालिका–४ गैह्रापाटनस्थित प्राइम बहुउद्देश्यीय सहकारीमा बचतकर्ताको रकम हिनामिना प्रकरणमा जिल्ला प्रहरी कार्यालय कास्कीले मंगलबार ८ जनालाई पक्राउ गरेको हो । पक्राउ पर्नेमा सहकारीका पूर्व तथा वर्तमान पदाधिकारी, कर्मचारी तथा अधिवक्तासमेत रहेको सूचना अधिकारी डीएसपी वसन्तकुमार शर्माले बताए ।