संघीय संसद्को हिउँदे अधिवेशनः बढीभन्दा बढी विधेयक पारित गर्ने लक्ष्य

काठमाडौं । संघीय संसद्को हिउँदे अधिवेशन सोमबारदेखि सुरु भएको छ । मन्त्रिपरिषद्को सिफारिसमा राष्ट्रपति रामचन्द्र पौडेलले संघीय संसद्को हिउँदे अधिवेशन आह्वान गरेका थिए । अधिवेशन आह्वान गरिएनुसार संघीय संसद्का दुवै सदन प्रतिनिधिसभा र राष्ट्रिय सभाको बैठक बसेको हो ।

सोमबार बसेको बैठकपश्चात सञ्चारकर्मीलाई प्रधानमन्त्री पुष्पकमल दाहाल ‘प्रचण्ड’ले संघीय संसद्को चालू अधिवेशन बढीभन्दा बढी विधेयक पारित गर्ने विषयमा केन्द्रित हुने बताएका छन् । संसद्को चालू अधिवेशनमा बढीभन्दा बढी विधेयक ल्याउने र पारित गर्ने कुरामा केन्द्रित हुने बताउँदै उनले संसद् अधिवेशनको सुरुवात राम्रो वातावरणमा भएको प्रतिक्रिया दिए ।