एक महिनादेखि सम्पर्कविहीन युवतीको हत्यामा प्रेमीको संलग्नता

नेपालगन्ज — एक महिनादेखि सम्पर्कविहीन बाँकेको डुडुवा–३, वनकट्टीकी २१ वर्षीया बसन्ती गोडियाको हत्यामा उनकै प्रेमी संलग्न रहेको पत्ता लागेको छ । गोडिया गत पुस १ गते रातिदेखि सम्पर्कविहीन थिइन् ।

उनी सम्पर्कविहीन भए पनि परिवार खोजतलासका लागि प्रहरीमा गएका थिएनन् । छोरी हराएको खबर गाउँमा फैलिए परिवारको ‘इज्जत जान्छ’ भनेर प्रहरीलाई खबर नगरेको आफन्तको भनाइ छ ।