राणालाई सुरक्षाका लागि प्रहरी कार्यालय ल्याइएको दाबी

काठमाडौं — पूर्वप्रधानन्यायाधीश चोलेन्द्र शम्शेर राणा अहिले नेपाल प्रहरीको टेकुस्थित काठमाडौं उपत्यका अपराध अनुसन्धान कार्यालयमा छन्।

प्रहरीका अनुसार राणालाई पक्राउ गरेर नभई सम्भावित सुरक्षा जोखिमलाई ध्यानमा राख्दै महाराजगन्जस्थित निवासबाट प्रहरी कार्यालय ल्याइएको हो। कार्यालयका प्रमुख एसएसपी सन्तोष खड्काले राणामाथि भौतिक क्षति हुन सक्ने सूचना प्राप्त भएपछि राति नै उनलाई सुरक्षित स्थानमा ल्याइएको बताए।