एसिया कप : श्रीलंकासँग अफगानिस्तान दुई रनले पराजित

एसिया कप क्रिकेटमा श्रीलंकाले अफगानिस्तानलाई दुई रनले हराएको छ । प्रतियोगिताको मंगलबारको खेलमा जितसँगै समूह ‘बी’बाट श्रीलंका प्रतियोगिताको ‘सुपर फोर’ चरणमा पुगेको छ ।

टस जितेर पहिलो ब्याटिङ रोजेको श्रीलंकाले निर्धारित ५० ओभरमा आठ विकेट गुमाएर दुई सय ९१ रन बनाएको थियो । अफगानिस्तानले भने ३७.४ ओभरमा अलआउट हुनुअघि दुई सय ८९ रन मात्रै बनायो ।