पक्राउ परेका दुई चिनियाँ गाडीमा सुन ओसार्थे, वेन दम्पती रेस्टुरेन्ट सञ्चालक

काठमाडौँ । हङकङबाट आएको ६० किलो ७१६ ग्राम सुन तस्करीमा संलग्न आरोपमा बुधवार चार जना चिनियाँ नागरिकलाई केन्द्रीय अनुसन्धान ब्युरोले पक्राउ गरेको छ । पक्राउ पर्नेमा टीयान मि, वेन तोङ, डीङ सेग्फा र ली–नेङकाई छन् ।

चार जना चिनियाँ नागरिकलाई काठमाडौँबाट पक्राउ गरिएको प्रहरी प्रवक्ता (डीआईजी) कुवेर कडायले रातोपाटीलाई बताए । ४ चिनियाँ सुन तस्करीमा अहिलेसम्म पक्राउ गरिएको मध्ये सबैभन्दा माथिल्लो तहको भएको अनुसन्धानमा संलग्न अधिकारीहरू बताउँछन् ।