गुण्डा नाइके राजु गोर्खालीविरुद्ध करोडौं ठगीको मुद्दा

काठमाडौं : गुण्डा नाइकेको छवि बनाएका राजेन्द्रबहादुर गोर्खाली ‘राजु’ विरुद्ध प्रहरीमा करोडौं ठगीको मुद्दा दर्ता भएको छ। उनी १० करोड बढीको चेक बाउन्स मुद्दामा आइतबार पक्राउ परेका हुन्। काठमाडौं प्रहरी परिसरको विशेष टोली र प्रहरी वृत्त थानकोटको सहयोगमा उनलाई चन्द्रागिरिको चोभारबाट पक्राउ गरिएको हो।

उनीविरुद्ध टीकाराम तिवारीलगायतको समूहले उजुरी गरेको हो। जग्गा पास गर्न भन्दै दिएको १० करोड बढी रकम ठगी गरेको भन्दै जिल्ला प्रहरी परिसर काठमाडौंमा चेक बाउन्सको मुद्दा दर्ता भएको छ। जिल्ला प्रहरी परिसर काठमाडौंका प्रवक्ता अपिलराज बोहोराका अनुसार उनीविरुद्ध अनुसन्धान गर्नको लागि जिल्ला अदालतले पाँच दिनको म्याद दिएको छ।