सडकको अवस्था हेरेर दशैंको अग्रिम टिकट खुलाइने

काठमाडौं । दशैं–तिहारमा घर फर्किने यात्रुलाई लक्षित गर्दै सार्वजनिक यातायातको अग्रिम टिकट बुकिङ असोज १५/१६ गतेपछि खुलाउने तयारी गरिएको छ। यद्यपि, देशभरका सडकको अवस्थाको मूल्याङ्कन गरेपछि मात्रै बुकिङ सुरु गर्ने अन्तिम निर्णय हुनेछ।

यातायात व्यवस्था विभागका अनुसार पछिल्लो समयको लगातार वर्षाका कारण धेरै ठाउँका सडक बिग्रिएका छन् भने कतिपय रुटमा यातायात सञ्चालनसमेत प्रभावित भएको छ। त्यसैले सडकको अवस्था अध्ययन गरेर मात्रै अग्रिम टिकटको मिति तय गरिने भएको हो।