दोर्दी खोलामा पौडी खेल्न गएका १९ वर्षीय युवक बेपत्ता

लमजुङ । लमजुङमा दोर्दी खोलामा पौडी खेल्न गएका एक १९ वर्षीय युवक बेपत्ता भएका छन् । लमजुङको दोर्दी गाउँपालिका– ३ बौसे स्थित दोर्दी खोला किनारमा पौडी खेल्न गएका १९ वर्षीय युवक उत्तरकुमार प्रजा वेपत्ता भएको प्रहरीले जनाएको छ ।

उत्तरकुमार प्रजा उत्तर देवी कृषि तथा पशु फर्ममा काम गर्दथे । चितवनको कालिका नगरपालिका– १० मा स्थायी बसोबार रहेको जिल्ला प्रहरी कार्यालय, लमजुङका सुचना अधिकारी प्रहरी निरीक्षक राजकिशोर साह तेलीले बताए ।