तास खेलेको आरोपमा पक्राउ, प्रहरी हिरासतमा बेहोस हुँदा उपचारका क्रममा मृत्यु

तास खेलिरहेको अवस्थामा पक्राउ परी जिल्ला प्रहरी कार्यालय मोरङको हिरासतमा राखिएका एक व्यक्ति अचानक बेहोस भएपछि उपचारका क्रममा मंगलबार मृत्यु भएको छ । विराटनगर महानगरपालिका १४ का ५५ वर्षीय बलराम कोइरालाको उपचारका क्रममा निधन भएको हो ।

विराटनगर–६, सरोचियास्थित लालु पासवानको घरमा सोमबार राति करिब साढे ११ बजे गस्ती टोली तास खेलिरहेको ठाउँमा पुगेको थियो । प्रहरी पुगेपछि केही व्यक्ति भागेका थिए भने प्रहरीले आठ जनालाई पक्राउ गरेको थियो । त्यसै क्रममा कोइराला पनि भाग्न खोज्दा लडेर घाइते हुनुभएको थियो ।