अपराध नियन्त्रण र विपद् व्यवस्थापनमा तीन जिल्ला प्रहरीको साझा रणनीति

मनसुनजन्य विपद्को संयुक्त सामना गर्न र एक जिल्लामा अपराध गरेर छिमेकी जिल्लामा लुक्ने फरार अभियुक्तहरूलाई पक्राउ गर्न पूर्वी पहाडका तीन जिल्लाका प्रहरी प्रमुखहरूले साझा सुरक्षा रणनीति बनाएका छन्।

भौगोलिक रूपमा सीमा जोडिएका ताप्लेजुङ, पाँचथर र तेह्रथुमका जिल्ला प्रहरी प्रमुखहरूबीच सम्पन्न भर्चुअल बैठकले अन्तर-जिल्ला सूचना आदान-प्रदानलाई तीव्र बनाउँदै संयुक्त अपरेसन सञ्चालन गर्ने निष्कर्ष निकालेको हो।