संघीय संसद्को चालू अधिवेशन अन्त्य

काठमाडौं । राष्ट्रपति रामचन्द्र पौडेलले संघीय संसद्को चालू अधिवेशन अन्त्य गरेका छन् । राष्ट्रपति पौडेलले मन्त्रिपरिषद्को सिफारिसनुसार संघीय संसद्का दुवै सदनको चालू अधिवेशन सोमबार राति १२ बजेदेखि लागू हुनेगरी अन्त्य गरेका हुन् ।

यसअघि आइतबार बसेको मन्त्रिपरिषद् बैठकले संसद्को चालू अधिवेशन अन्त्य गर्न सिफारिश गरेको थियो । प्रतिनिधिसभाको सोमबारको बैठकमा राष्ट्रपतिको कार्यालयबाट प्राप्त पत्र पढेर सुनाउँदै सभामुख देवराज घिमिरेले चालू चौथो अधिवेशन अन्त्य हुने जानकारी गराए ।