अरब सागरमा ३ हजार करोड रुपैयाँ बराबरको लागूऔषध बरामद, ५ पाकिस्तानी पक्राउ

अहमदाबाद । भारतीय तटरक्षक बल (कोस्ट गार्ड) र गुजरात आतंकवाद निरोधक दस्ता (एटीएस) ले अरब सागरमा इरानी डुंगाबाट ३ हजार करोड (३० अर्ब) भारतीय रुपैयाँभन्दा बढी मूल्यको लागूऔषध बरामद गरेका छन्। घटनामा पाँच पाकिस्तानी नागरिक पक्राउ परेका छन्।

भारतीय सञ्चारमाध्यमहरूका अनुसार बरामद लागूऔषधमा ५२६ किलोग्रामभन्दा बढी हेरोइन र मेथाम्फेटामिन रहेको आशंका गरिएको छ। पक्राउ परेका पाँचै जना डुंगाका चालक दलका सदस्य हुन्।