साउथवेस्ट भाडामा गडबडी

२०५५ सालमा नेपाली कांग्रेस र नेकपा एमालेको संयुक्त सरकार बन्यो । त्यो बेला एमाले नेता भीम रावल पर्यटन तथा नागरिक उड्डयन राज्य मन्त्री थिए । उनले बीकेमान सिंहलाई नेपाल वायुसेवा निगमको कार्यकारी अध्यक्ष बनाए । त्यसपछि बिनाटेन्डर चाइना साउथवेस्ट एअरलाइन्ससँग सम्झौता गरियो ।

नेपाल वायुसेवा निगमले चाइना साउथ वेस्ट विमान कम्पनीसँग तीन महिनाका लागि जहाज भाडामा लिँदा अनियमितता भयो भनी प्रश्न उठ्यो । जाँचबुझ गर्न पूर्वसचिव भोजराज पोखरेलको नेतृत्वमा आयोग बन्यो । त्यसलगत्तै संसद्को सार्वजनिक लेखा समितिले चाइना साउथ वेस्ट जहाज भाडामा लिँदा अनियमितता भएको भनेर प्रतिवेदन दियो । यो प्रकरणमा वायुुसेवा निगमले २२ करोड रुपैयाँको नोक्सानी व्यहोरेको देखियो ।