कोसी प्रदेशमा बढ्दो लागुऔषध कारोबार

नेपाल–भारतबिच खुला सीमाको फाइदा उठाउँदै लागुऔषध कारोबारीले आफ्नो कारोबार बढाएका छन्। प्रत्येक वर्ष कोसी प्रदेशमा लागुऔषध कारोबार बढेको प्रहरीको तथ्यांकले देखाएको छ।

प्रदेशको झापा, मोरङ, सुनसरी र उदयपुरका क्षेत्रबाट बढी मात्रामा लागुऔषध कारोबार र लागुऔषध प्रयोगकर्ता भेटिएका छन्। खुला सीमा र दुई मुलुकबिच जोडिएको बस्तीको फाइदा उठाउँदै लागुऔषध ओसारपसार हुने गरेको प्रहरी भनाइ।