झापाबाट ३५ हजार भारतीय नक्कली नोटसहित दुई भारतीय पक्राउ

झापा। झापाको दमकबाट भारतीय नक्कली नोटसहित दुई जना भारतीय नागरिक पक्राउ परेका छन्। जिल्ला प्रहरी कार्यालय झापाका अनुसार बुधबार दमक नगरपालिका-६ स्थित देवकोटा चोकबाट उनीहरूलाई पक्राउ गरिएको हो।

पक्राउ पर्नेमा भारतको किसनगंज जिल्ला खनियाबाद-३ का २५ वर्षीय अब्दुल माजिद र २६ वर्षीय रुवेद आलम रहेका छन्। इलाका प्रहरी कार्यालय दमकको टोलीले सुरक्षा जाँच गर्ने क्रममा उनीहरू चढेको बीआर ३७ जे २७०८ नम्बरको भारतीय मोटरसाइकलसहित नक्कली नोट बरामद गरेको हो।