सल्यानका जंगलमा लुकाइएका भरुवा बन्दुकले बढायो सुरक्षा जोखिम

१६ असोज, सुर्खेत । सल्यानका सामुदायिक वन र ओढारमा लुकाइराखिएका भरुवा बन्दुक धमाधम फेला पर्न थालेका छन् । पछिल्लो पटक प्रहरीले बन्गाड कुपिण्डे नगरपालिकाका दुई सामुदायिक वनबाट ८ थान भरुवा बन्दुक बरामद गरेको छ ।

प्रहरीले बिहीबार बिहान बन्गाड कुपिण्डे नगरपालिका–७ स्थित सल्लेरी सामुदायिक वन र वडा नम्बर १२ निगालचुलास्थित भदाले सामुदायिक वनका ओढारमा लुकाइराखिएका चार–चार थान गरी आठ थान भरुवा बन्दुक बरामद गरेको हो ।