आरोपितमाथि कारबाही गर

नक्कली भुटानी शरणार्थी प्रकरणमा आरोप लागेका माथि गम्भीर रूपमा छानबिन गरी कारबाही गर्नुपर्ने माग देशव्यापी उठिरहेको छ । सो प्रकरणमा मुछिएका हिजो विभिन्न उच्च पदमा बसेका कथित उच्च पदस्थहरूमाथि छानबिनको माग गर्दै सदनदेखि सडकसम्म आवाज उठ्न थालेको छ । प्रहरीले सो प्रकरणमा दोषी देखिएकाहरूको प्रमाणसहित ३० जनामाथि जिल्ला अदालतमा मुद्दा दायर गरेको छ ।

फरार १४ जनाविरुद्ध मुद्दा दर्ता गर्ने जनाइएको छ । पक्राउ परेका व्यक्तिले आरोप लगाएका हाई प्रोफाइलाई तत्काल पक्राउ गरी कारबाही गर्नुपर्ने माग उठेको छ । यद्यपि, प्रहरीले भने आवश्यक प्रमाणको अभावमा अन्य उच्च पदस्थहरूलाई पक्राउ गर्न नसकिएको बताउँदै आइरहेको छ । प्रहरीले त्यसरी आरोपित उच्च पदस्थहरूका बारेमा आन्तरिक रूपमा समेत छानबिन भइरहेको जनाएको छ ।