कालो झोलामा अनुसन्धान केन्द्रित गर्दा भेटिए ६७ वर्षीया विष्णुकुमारीका हत्यारा

काठमाडौँ । झापाको बिर्तामोड नगरपालिका–४ शिवनगरमा विष्णुकुमारी विष्टको हत्यामा संलग्नहरूलाई प्रहरीले पक्राउ गरेर सार्वजनिक गरेको छ । ६७ वर्षीय विष्टको वैशाख २६ मा हत्या भएको थियो ।

हत्यामा संलग्न आरोपमा बिर्तामोड–४ घर भएका २२ वर्षीय गंगाप्रसाद राजवंशी, २३ वर्षका महेश राजवंशी, २० वर्षीया वर्षा राजवंशी, ३३ वर्षीय भागीरथ माझी उर्फ ज्याक र ४३ वर्षका धनबहादुर कामीलाई प्रहरीले पक्राउ गरेर सार्वजनिक गरेको छ । लुट्ने उद्देश्यले गङ्गा राजवंशीले योजना बनाएर हत्या गरेको जिल्ला प्रहरी कार्यालय झापाका डीएसपी कृष्णकुमार चन्दले रातोपाटीलाई बताए ।