पक्राउ परेका १६ जनाविरुद्ध आज अभियोगपत्र दर्ता होला ?

काठमाडौं । भुटानी शरणार्थी प्रकरणमा पक्राउ परेका १६ जनाविरुद्ध आज अदालतमा अभियोगपत्र दर्ता हुने सम्भावना रहेको छ । जिल्ला अदालत काठमाडौंले नक्कली भुटानी शरणार्थी प्रकरणमा पक्राउ परेका १६ जनालाई आजसम्म हिरासतमा राख्न अनुमति दिएको छ ।

त्यसैले जिल्ला सरकारी वकिल कार्यालय काठमाडौंले आज अभियोगपत्र दर्ता गर्ने तयारी गरेको छ । जिल्ला सरकारी वकिल कार्यालय काठमाडौंका प्रवक्ता एवम् सहन्यायाधिवक्ता अचुतमणि नेउपानेले आज (बुधबार)नै अदालतमा अभियोगपत्र दर्ता हुने सम्भावना रहेको बताएका छन् ।