घर जाने बेला प्रधानन्यायाधीश श्रेष्ठ बारसँग किन सिँगौरी खोज्दै छन् ?

प्रधानन्यायाधीश विश्वम्भरप्रसाद श्रेष्ठ असोज २० गतेबाट ६५ वर्षे उमेरहदका कारण अनिवार्य अवकाशमा जाँदै छन् । उनी अवकाशको मुखमा पुगिसकेका मात्र होइन, उनका उत्तराधिकारीका रूपमा प्रकाशमानसिंह राउत संवैधानिक परिषद्बाट सिफारिस भइसके ।

राउतका विषयमा संसदीय सुनुवाइ समितिले सार्वजनिक रुपमा उजुरी आह्वान गर्दै सूचनासमेत प्रकाशित गरिसक्यो । अर्थात् उनी अब संसदीय परीक्षणको घेरामा प्रवेश गरिसके । उनले अहिलेसम्मको कामकारबाही हेरी आमनागरिकले आफूसँग भएका कुनै गुनासा भए उजुरीका रुपमा दिन पाउँछन् । संसदीय सुनुवाइ नसकिएसम्म राउतका लागि यो मौन अवधि नै हो ।