बिनाप्रमाण छापा र धरपकड शैलीको विरोध, निजी क्षेत्र भन्छ– सरकार लगानीको वातावरण बिगार्दैछ

प्रधानमन्त्री र अर्थमन्त्रीले उद्योगी-व्यवसायीहरूसँग छुट्टाछुट्टै भेटघाट तथा संवाद गरिरहेकै बेला विराटनगरका उद्योगी बेनीगोपाल मुन्दडाको घरमा बिनाप्रमाण मारिएको छापालाई लिएर निजी क्षेत्र असन्तुष्ट र आतंकित बनेको छ।

लामो समयदेखि लगानीको वातावरण नबनेको गुनासो गर्दै आएका उद्योगी-व्यवसायीहरू प्रहरी-प्रशासनको धरपकडपूर्ण अनुसन्धान शैलीले पुँजी पलायनलाई थप प्रोत्साहित गरेको बताउँछन्।