५ हजार ३ सय वटा उजुरी, ११ अर्ब ६६ करोड रुपैयाँ मागदाबी

काठमाण्डाै – नेपाल प्रहरीले सहकारीसम्बन्धी पाँच हजार तीन सय वटा उजुरी दर्ता भएको जनाएको छ ।

सिंहदरबारमा आज बसेको सहकारीको संस्था बचत रकम सम्बन्धमा संसदीय छानबिन समिति बैठकमा उपस्थित प्रहरी अधिकारीहरूले अहिलेसम्म सहकारी रकम दुरुपयोगका सम्बन्धमा पाँच हजार तीन सय वटा उजुरी दर्ता भएको जानकारी दिएका समितिका सभापति सूर्य थापाले जानकारी दिनुभयो । ५५ हजार चार सय १० जना पीडितले उजुरी दर्ता गरेको र ११ अर्ब ६६ करोड ४७ लाख रुपैयाँ मागदाबी गरेको जानकारी प्राप्त भएकाे थापाले बताउनुभयो । प्रतिवादीमध्ये दुई सय ९४ जना पक्राउ परेका र आठ सय ५६ जना फरार रहेका प्रहरीले जनाएको छ ।