घटस्थापनादेखि पूर्णिमासम्म नारायणगढ–काठमाडौं सडकमा ठूला गाडी चलाउन रोक

काठमाडौं । चाडपर्वलाई लक्षित गर्दै नारायणगढ–काठमाडौं सडकखण्डमा घटस्थापनादेखि पूर्णिमासम्म ट्रेलरलगायत ठूला सवारीसाधन सञ्चालनमा रोक लगाइने भएको छ।

यातायात व्यवस्था विभागमा मंगलबार बसेको सरोकारवालाको बैठकले असोज २५ गते घटस्थापनादेखि कात्तिक ८ गते पूर्णिमासम्म ठूला सवारीसाधन सञ्चालनमा रोक लगाउने निर्णय गरेको हो। खाद्यान्न, औषधि, फलफूललगायत अत्यावश्यक सामग्री बोकेका सवारीसाधनलाई भने यो रोक लागू हुने छैन।