५० लाख काण्डमा तीन प्रहरीलाई कारबाही सिफारिस

काठमाडौ ।क्रिप्टो करेन्सी कारोबार गरेको आरोपमा एक युवकलाई पक्राउ गरेर छाडिएको घटनामा इन्स्पेक्टरसहित तीन प्रहरीलाई कारबाही सिफारिस गरेको छ। काठमाडौं उपत्यका प्रहरी कार्यालयका एसपी प्रजित केसी नेतृत्वको छानबिन समितिले सो विषयमा सोमबार प्रतिवेदन बुझाउँदै कारबाही सिफारिस गरेको हो।

जिल्ला प्रहरी परिसर काठमाडौंका इन्स्पेक्टर प्रतीक सिंह, सहायक हवल्दार गणेश खड्का र प्रहरी जवान साजन शर्मा चपाईविरुद्ध कारबाही गर्न सिफारिस भएको हो। समितिले एआइजी किरण बज्राचार्यलाई प्रतिवेदन बुझाएको हो।