एमजी ब्रान्डका इलेक्ट्रोनिक गाडीमा प्राविधिक समस्या देखियो

काठमाडौं । पारामाउन्ट मोट्र्स प्रालि आधिकारिक विक्रेता रहेको एमजी कारमा गम्भीर प्राविधिक समस्या देखिन थालेको छ ।

नेपालमा केही समयअघि एमजी ब्रान्डको सो गाडीमा गत पुसमा बूढानीलकण्ठको देउवाचोकमा चार्जमा राखिएको बाग्मती प्रदेशको ०१–०२७ च १५८१ नम्बरको गाडीमा चार्जिङ समस्या हुँदा आगलागी भयो । गाडी चार्जिङमा राखेकाले कुनै मानवीय दुर्घटना त हुन पाएन तर गाडी भने काम नलाग्ने भयो । सिस्टेमिक इररका कारण चार्जिङमा राखेको गाडी एकाएक आगलागी भए पनि कम्पनी अनुकूलको प्राविधिक अध्ययन कमिटी गठन भयो । यद्यपि, सो प्राविधिक अध्ययनले एमजीमा कुनै पनि सिस्टेमिक इरर नभएको प्रतिवेदन बुझायो । किनकि, सिस्टेमिक इरर भएको देखिएमा गाडी बेचबिखनमा प्रतिबन्ध लाग्न सक्थ्यो ।