सरकारी वकिल कार्यालय महोत्तरीमा 'बदमासीको चाङ'– अडियो मात्र होइन, अन्य विषय पनि विवादमा

मृत्युको कारण खुलाउने फरेन्सिक रिपोर्ट आउन बाँकी थियो, जाहेरीमा किटानी गरिएका दुई प्रतिवादीको बयान समेत भएको थिएन । तर, जिल्ला सरकारी वकिल कार्यालय, महोत्तरीले नाबालिकाको मृत्युमा ज्यानसम्बन्धी मुद्दा नचलाउने निर्णय गर्‍यो ।

४८७ किलो गाँजा बरामद भएको अर्को घटनामा प्रहरीले मुख्य भूमिकामा रहेको भन्दै पक्राउ पुर्जीसमेत लिएर प्रतिवादी बनाउन सिफारिस गरेका व्यक्ति सरकारी वकिलको अभियोग पत्रमा परेनन् ।