तीन करोड ३८ लाखभन्दा बढीको अनलाइन सट्टेबाजी र क्रिप्टो कारोबारमा युवक पक्राउ

काठमाडौँ। प्रहरीले तीन करोड ३८ लाख रुपैयाँभन्दा बढीको अनलाइन सट्टेबाजी तथा क्रिप्टो कारोबारमा संलग्न रहेको आरोपमा एक युवकलाई पक्राउ गरेको छ।

जिल्ला प्रहरी परिसर काठमाडौँका अनुसार पक्राउ पर्नेमा सर्लाहीको चन्द्रनगर गाउँपालिका-३ घर भई हाल काठमाडौँ महानगरपालिका-३२ बस्ने २२ वर्षीय बिक्कीकुमार महतो रहेका छन्।