हत्या आरोपमा १९ वर्षीय युवक पक्राउ

सोलुखुम्बु – सोलुदुधकुण्ड नगरपालिका–११ गन्जेडाँडाका ४६ वर्षीय तोईबहादुर कटवालको हत्या आरोपमा स्थानीय १९ वर्षीय रोशन भुवनसिंह कार्की पक्राउ परेका छन्। घरमै मृत फेला परेका कटवालको हत्यामा संलग्न रहेको आरोपमा प्रहरीले कार्कीलाई नियन्त्रणमा लिएको हो।

प्रारम्भिक अनुसन्धानका क्रममा मदिरा सेवनपछि भएको विवादमा रिसको आवेगमा कार्कीले चक्कु प्रहार गरी कटवालको हत्या गरेको स्वीकारेको प्रहरीले जनाएको छ।