भ्रष्टहरूको मजबुत वृत्त तोडिएला त ?

‘विभिन्न समयमा गरी करिब १ हजार नेपालीलाई भुटानी शरणार्थी बनाएर अमेरिका पठाई १ अर्ब रुपियाँ दाब्न गरिएको हाइ प्रोफाइल प्रपञ्चको भण्डाफोर भएपछि त्यो महाभ्रष्टाचार काण्डको तानाबाना बुनिएको बेलाका प्रधानमन्त्री एमाले नेता केपी शर्मा ओलीको निद्रा र भोक दुवै गायब भएको छ । त्यसैले हुनुपर्दछ, उनी बहालवाला प्रम पुष्पकमल दाहालको यतिखेर वरिपरि लगाउँदै गणेश भाँतीमा चक्कर काटिरहेका छन् ।’ विषय उठान लेखक हरि अधिकारीका कलमबाट भयो ।

उनी लेख्छन्– ‘यो काण्डको क्रोनोलजी र यसमा सामेल अनुहारका राम्रोसँग अध्ययन गर्दा यसबारे केपी ओलीलाई केही थाहा थिएन भन्न धेरै गाह्रो मात्र होइन लगभग असम्भव छ । ऊ बेलाका गृहमन्त्री ओलीका, यो काण्ड मच्चाउने गिरोहका मुख्य मतियार र सहजकर्ता उपप्रधान एवम् ऊर्जामन्त्री ओलीका, तत्कालीन गृहसचिव र अहिलेका अख्तियार प्रमुख प्रेम राई ओलीको दलका बफादार सेवक, कार्यदलका संयोजक बालकृष्ण पन्थी र सदस्य गणेश केसी एमालेका समर्थक अनि यत्रो काण्डको षड्यन्त्र रचेर यसको कार्यान्वयन हुँदासम्म ओलीलाई पत्तै नहुने ! यो कसरी सम्भव हुन सक्छ ?’