त्रिविमा मापदण्ड नै नपुगेका कलेजलाई विषयगत स्वीकृति

काठमाडौँ । त्रिभुवन विश्वविद्यालयमा मापदण्ड नै नपुगेका कलेजलाई विषयगत स्वीकृति दिएको पाइएको छ । व्यवस्थापन सङ्काय अन्तर्गत स्नातक तहमा विभिन्न चार वटा कलेजलाई मापदण्ड नै पूरा नगरेको अवस्थामा समेत सम्बन्धन दिएको पाइएको हो ।

त्रिवि व्यवस्थापन सङ्कायले २०७१ पुस ९ गते स्नातक तह बीबीएम, बीएचएम र बीआईएम नयाँ कार्यक्रम थपका लागि आवेदन माग गरेको थियो । विश्वविद्यालयबाट सम्बन्धन लिएर व्यवस्थापनका अन्य कार्यक्रम चलाइरहेका कलेजहरूलाई ती कार्यक्रम सञ्चालनका लागि आवेदन आह्वान गरिए अनुसार थुप्रै कलेजले आवेदन दिएका थिए ।