कपिलवस्तुमा सिकार खेल्ने क्रममा गोली लाग्दा एक युवकको मृत्यु

कपिलवस्तु । जिल्लाको बुद्धभूमि नगरपालिका–९, गव्दहवामा सिकार खेल्ने क्रममा गोली लागेर एक युवकको मृत्यु भएको छ। मृत्यु हुनेमा २८ वर्षीय समुन्द्र गाहा मगर रहेको जिल्ला प्रहरी कार्यालय, कपिलवस्तुका प्रवक्ता प्रहरी नायव उपरीक्षक मोहनमणि अधिकारीले जानकारी दिए।

शनिबार बुद्ध यशोधरा सामुदायिक वन क्षेत्रमा सिकार खेल्ने क्रममा सवारी साधनको आवाज आएपछि लुक्न खोजेका चार जनामध्ये रामबहादुर थारुले बोकेको राइफल अचानक पड्किँदा समुन्द्र गाहा मगरलाई गोली लागेको थियो।