कटुवा पेस्तोलसहित कञ्चनपुरबाट चार जना पक्राउ

कञ्चनपुर प्रहरीले १ थान कटुवा पेस्तोलसहित चार जनालाई नियन्त्रणमा लिएको छ।

जिल्ला प्रहरी कार्यालय कञ्चनपुर र वडा प्रहरी कार्यालय महेन्द्रनगरबाट खटिएको विशेष प्रहरी टोलीले उनीहरूलाई पक्राउ गरेको हो। विशेष सुराकीका आधारमा साउन २५ गते दिउँसो करिब ४:०० बजे भीमदत्त नगरपालिका वडा नं. १८ स्थित सालघारी क्षेत्रमा जाँच गर्ने क्रममा शंकास्पद अवस्थामा रहेका युवाहरूको मोबाइलमा कटुवा पेस्तोलको फोटो र भिडियो फेला परेको थियो।