जापान पठाइदिने भन्दै ११५ जनाबाट २ करोड ८० लाख ठगी गर्ने कन्सल्टेन्सीका सिइओ पक्राउ

जापान पठाइदिने बहानामा ११५ जना युवाबाट २ करोड ८० लाख रुपैयाँ ठगी गरेको आरोपमा ग्याट्सबी इन्टरनेशनल प्रालिका प्रमुख कार्यकारी अधिकृत (सिइओ) पक्राउ परेका छन्।

वैदेशिक रोजगार विभागबाट जारी पक्राउ पुर्जीका आधारमा ललितपुरको महालक्ष्मी नगरपालिका–७ चाङ्गाथलीका २९ वर्षीय प्रतीक बुढाथोकीलाई नियन्त्रणमा लिइएको हो।