स्मार्ट टेलिकम घोटाला: २२ जनाविरुद्ध मुद्दा चलाउन सिफारिस

नेपाल प्रहरीको केन्द्रीय अनुसन्धान ब्युरो (सिआइबी) ले झन्डै ३५ अर्ब रुपैयाँबराबरको स्मार्टसेल अर्थात् स्मार्ट टेलिकम घोटाला प्रकरणमाअनुसन्धान सकी २२ जनालाई प्रतिवादी बनाएर मुद्दा चलाउनुपर्ने र ९६ अर्ब रुपैयाँ बिगो दाबी गर्नुपर्ने रायसहितको प्रतिवेदन मंगलबार जिल्ला सरकारी वकिलको कार्यालय काठमाडौंमा बुझाएको छ। सिआइबीले गत वैशाखदेखि घोटालामा संलग्न भएका आरोपितलाई एकपछि अर्को गर्दै हिरासतमा राखेर अनुसन्धान थालेको थियो।

सिआइबीका प्रवक्ता एसएसपी अनुपमशमशेर जबराले मंगलबार सरकारी वकिल कार्यालयमा प्रतिवेदन बुझाएको जानकारी दिए। प्रतिवेदन अध्ययन गरेपछि सरकारी वकिल कार्यालयले आरोपितविरुद्ध काठमाडौं जिल्ला अदालतमा मुद्दा दायर गर्ने छ।