लोकहित र लोकतन्त्र

पृष्ठभूमि

हामी देशमा लोकतन्त्र आयो भन्छौं, तर परिणाम देखियो लोकतन्त्रको, सत्ता मोहको, भागबन्डाको, अंशबन्डाको, हार्ने डरले अप्राकृतिक गठजोडको, एक राजाको सट्टा हजारौं राजाको, महाराजाको राजसी शैलीको । गरिब देशको धनीचाला, थामिनसक्नु विदेशी ऋण, व्यापारघाटा, चरम महँगीको क्रन्दन सुन्ने कोही भएन देशमा । आमजनतालाई लोकतन्त्र आएन, केवल आयो नेतालाई, त्यो पनि नीतिप्रधान नेतालाई होइन नेताप्रधान नीतिलाई मात्र । देशको अर्थतन्त्र निकै अप्ठ्यारोमा छ अहिले, बोक्नै नसक्ने ठूलो भारी देशले बोकेका कारण । नयाँ संविधान आएपछिको देशको खर्चको विश्लेषण गर्नुपर्ने बेला भइसकेको छ । लोकतन्त्र’bout धेरै दिवस पनि मनाउँछौं हामी ।