फिलिपिन्सको भूकम्पमा मृत्यु हुनेको संख्या ३५ नाघ्यो, २०० भन्दा बढी घाइते

काठमाडौँ । दक्षिणी फिलिपिन्सको तटीय क्षेत्रमा सोमबार बिहान गएको ७.८ रेक्टर स्केलको शक्तिशाली भूकम्पका कारण हालसम्म कम्तीमा ३५ जनाको मृत्यु भएको छ भने २०० भन्दा बढी घाइते भएका छन् । धेरैजसो भवनहरू भत्किँदा मानिसहरू पुरिएको आशंका गरिएको छ ।

भूकम्पपछि करिब १ मिटर अग्लो सुनामी छाल नजिकका तटीय क्षेत्रमा पुगेको थियो । जनरल सान्तोस शहरमा धेरैजसो कम तला भएका भवनहरू ढलेका वा गम्भीर क्षति भएका छन् । सराङ्गानी प्रान्तका केही गाउँमा पनि ठूलो क्षति भएको बताइएको छ ।