देउवा फर्केकै दिन सानेपाको प्रस्ताव- अभिभावकीय भूमिका निभाउनुस्

झण्डै पाँच महिना लामो स्वास्थ्य उपचारपछि नेपाली कांग्रेसका पूर्वसभापति शेरबहादुर देउवा बिहीबार स्वदेश फर्किएका छन् । गत फागुन दोस्रो साता सिंगापुर उडेका उनी बिहीबार मध्याह्न काठमाडौं फर्किएका हुन् ।

उनलाई त्रिभुवन अन्तर्राष्ट्रिय विमानस्थलमा ठूलो संख्यामा कांग्रेसको संस्थापन इतरका नेता/कार्यकर्ता तथा समर्थकले भव्य स्वागत गरे । देउवालाई स्वागत गर्न नेता शशांक कोइराला, कृष्णप्रसाद सिटौला, पूर्णबहादुर खड्का, प्रकाशशरण महत, मीन विश्वकर्मालगायत विमानस्थल पुगेका थिए ।