धरानको बजेट डेढ महिनापछि पारित, २ अर्ब ७६ करोड विनियोजन

धरान । धरान उपमहानगरपालिकाले चालू आर्थिक वर्षका लागि २ अर्ब ७६ करोड १९ लाख २७ हजार बराबरको बजेट बल्ल पारित गरेको छ । बिहीबार १९औं नगर सभामा कार्यवाहक मेयर अइन्द्रविक्रम बेघाले पेश गरेको बजेट पारित गरेको हो ।

योसँगै धरानले बजेट होलिडेबाट पार पाएको छ । स्थानीय तहले असार १० भित्र बजेट ल्याइसक्नुपर्ने कानुनी प्रावधान छ । तर, यहाँ आन्तरिक विवादले बजेट पारित हुन सकेको थिएन ।