कसको नियन्त्रणमा छ स्ट्रेट अफ होर्मुज ? के-के हुँदैछ पश्चिम एसियामा ?

अमेरिका–इरान युद्ध सुरु भएको करिब आधा वर्ष पुग्न लाग्दा विश्वभर तेलको भण्डार तीव्र रूपमा घटिरहेको छ। स्ट्रेट अफ होर्मुज हुँदै हुने जहाज आवतजावत लगभग ठप्प छ। यहीबिच अमेरिका र इरानबिच यो महत्त्वपूर्ण समुद्री मार्गमाथि वास्तविक नियन्त्रण कसको छ भन्ने विवाद चर्किएको छ।

अमेरिकी राष्ट्रपति डोनाल्ड ट्रम्पले पटक–पटक स्ट्रेट अफ होर्मुजमाथि अमेरिकाको ‘पूर्ण नियन्त्रण’ रहेको दाबी गर्दै आएका छन्। साउदी अरब र इराकजस्ता देशबाट विश्व बजारमा तेल पुर्‍याउने यो मार्गमा अमेरिकी नौसेनाले नियन्त्रण कायम गरेको ट्रम्पको भनाइ छ। बुधबार उनले अमेरिकी नौसेनाले स्ट्रेट अफ होर्मुजमा रहेका समुद्री माइनसमेत हटाइसकेको दाबी गरे।