राँगाको सिङबाट बन्ने गुँला पर्वको मुख्य बाजा !

काठमाडौं । नेवार समुदायका विशेषगरी बौद्ध धर्मावलम्बीको प्रमुख सांस्कृतिक पर्व गुँला बिहीबारदेखि सुरु भएको छ । एक महिनासम्म मनाइने पर्वमा भक्तजनले परम्परागत बाजागाजासहित चैत्य, विहार र मन्दिरको परिक्रमा गर्दै बुद्धको पूजा–आराधना गर्ने गर्दछन् ।

काठमाडौं उपत्यकाका परम्परागत नेवार वस्ती र टोलहरुमा अब एक महिनासम्म सडक वा गल्लीहरुमा विहान मानिसहरुको चहलपहल शुरु नहुँदै सुनिने छ, धिमे, भुस्या, बाँसुरी र न्याकुँको सुमधुर आवाज । अनि बाजाको यही धुन पछ्याउँदै मानिसहरू चैत्यतर्फ अघि बढिरहेका हुने छन् । यो गुँला पर्वको अवसरमा देखिने दृश्य हो ।