चार निर्माण व्यवसायी तथा आपूर्तिकर्ता कम्पनी कालोसूचीमा

काठमाडौं- सार्वजनिक खरिद अनुगमन कार्यालय, केसरमहलले सम्झौताअनुसार काम नगर्ने तथा काममा ढिलासुस्ती गर्ने चार निर्माण व्यवसायी तथा आपूर्तिकर्ता कम्पनीलाई कालोसूचीमा राखेको छ।

कार्यालयको साउन २८ गतेको निर्णयअनुसार सार्वजनिक खरिद ऐन, २०६३ को दफा ६३ को उपदफा (१) बमोजिम साउन २९ गते सूचना प्रकाशित गर्दै चार कम्पनीलाई निश्चित अवधिका लागि कालोसूचीमा राखिएको हो। कालोसूचीमा परेका कम्पनीले तोकिएको अवधिभर कुनै पनि सार्वजनिक निकायको खरिद प्रक्रियामा सहभागी हुन पाउने छैनन्।