प्रभु बैंकको आकर्षक घर र सवारी कर्जा योजना, घर कर्जामा ३ करोडसम्म सुविधा

काठमाडौं– प्रभु बैंक लिमिटेडले ग्राहकको वित्तीय आवश्यकता सहज, सरल र किफायती रूपमा पूरा गर्ने उद्देश्यका साथ नयाँ घर कर्जा तथा सवारी साधन कर्जा योजना सार्वजनिक गरेको छ ।

बैंकका अनुसार घर कर्जाअन्तर्गत अधिकतम ३ करोड रुपैयाँसम्म कर्जा लिन सकिनेछ । कर्जाको अवधि अधिकतम २५ वर्षसम्म रहने व्यवस्था गरिएको छ । सेवा शुल्क ० दशमलव ५० प्रतिशत तथा ब्याजदर औसत आधार दरमा थप ० दशमलव ५० प्रतिशत प्रतिवर्ष कायम गरिएको बैंकले जनाएको छ ।