गगनलाई मोहनको चुनौती– अबको चुनावमा ५५ वर्ष पुग्नुहुन्छ, बोलेको पूरा गर्न राजनीति छाड्नुस्

२९ साउन, काठमाडौं । नेपाली कांग्रेस इतर समूहका नेता मोहनबहादुर बस्नेतले कांग्रेस सभापति गगन कुमार थापालाई आफूले बोलेको कुरा पूरा गर्न चुनौती दिएका छन् ।

शुक्रबार इतर पक्षले आयोजना गरेको राष्ट्रिय भेलालाई सम्बोधन गर्ने क्रममा उनले सभापति थापाले यसअघि नै ५५ वर्षपछि राजनीति छाड्छु भनेको विषय स्मरण गराउँदै यस्तो चुनौती दिएका हुन्।