कांग्रेसभित्रको असहमतिलाई बृहत् एकतामा बदल्न देउवाको आग्रह

नेपाली कांग्रेसका निवर्तमान सभापति शेरबहादुर देउवाले पार्टीभित्र देखिएका असहमति र विवादलाई बृहत् एकतामा बदल्नुपर्ने बताएका छन् । उनले अहिले मुलुकको राजनीतिक अवस्था संवेदनशील रहेको भन्दै कांग्रेसका नेता तथा कार्यकर्तालाई राष्ट्रिय हितका विषयमा सजग भएर भूमिका निर्वाह गर्न आग्रह गरे ।

शुक्रबार नेपाली कांग्रेस इतर पक्षको राष्ट्रिय भेलालाई सम्बोधन गर्दै देउवाले समाजमा अझै पनि निराशा रहेको उल्लेख गर्दै त्यसलाई आशामा बदल्ने जिम्मेवारी कांग्रेसको रहेको बताए । उनले कांग्रेसले लोकतन्त्र र राष्ट्रिय हितको संरक्षणमा जिम्मेवार भूमिका खेल्नुपर्ने धारणा राखे ।