काठमाडौंमा यी ५ ठाउँबाट बिक्री गरिँदैछ ग्यास

काठमाडौं– नेपाल आयल निगमको समन्वयमा जिल्ला प्रशासन कार्यालय, काठमाडौंले शनिबार विभिन्न ब्रान्डका ग्यास सिलिन्डर बिक्रीवितरण गर्ने भएको छ। निगमले खाना पकाउने ग्यासको अभावमा रहेका उपभोक्ताका लागि सूचना जारी गरेरै यसबारे जानकारी दिएको छ।

निगमको टेकु परिसरबाट नेपाल, एचपी, एभरेस्ट/सुगम, श्रीराम, सगर, सिद्धार्थ, श्री र हिमाल ग्यास वितरण गरिनेछ। यातायात कार्यालय परिसर चाबाहिलबाट नेपाल र एचपी र राधास्वामी, कीर्तिपुर परिसरबाट नेपाल, एचपी, एभरेस्ट/सुगम, श्रीमाया, श्रीकृष्ण, साइबाबा र ओम ग्यास वितरण गरिने निगमले बताएको छ।