पोखरा विमान दुर्घटनाः जहाज दुर्घटना अनुसन्धानमा ब्ल्याक बक्सको महत्त्व कस्तो हुन्छ?

आइतबार पोखरामा दुर्घटनाग्रस्त जहाजबाट निकालिएको 'ब्ल्याक बक्स' जाँचबुझ गर्न कुन देश पठाउने भन्ने टुङ्गो लागिनसकेको हालै गठित जाँचबुझ समितिका सदस्यसचिव बुद्धिसागर लामिछानेले बताएका छन्।

सेती नदीको खोँचमा खसेको यती एअरलाइन्सको विमानबाट सोमबार सुरक्षाकर्मीले निकालेको ब्ल्याक बक्स समितिले प्राप्त गरिसकेको छ।