थाइल्यान्डलाई हराए निको हुनेछ हङकङसँगको चोट

२३ जेठमा मलेसियाको क्वालालम्पुरमा भएको एसियाली क्रिकेट परिषद् (एसीसी) महिला प्रिमियर कपको समूह चरणको अन्तिम खेलमा नेपालले इतिहासकै खराब प्रदर्शन गर्दै हङकङविरुद्ध ६९ रनको हार बेहोर्‍यो।

१०९ रनको सामान्य लक्ष्य पछ्याएको नेपाल ब्याटिङमा पूर्ण रूपमा असफल रह्यो। टोली १३.३ ओभरमै सबै विकेट गुमाउँदै ४० रनमा समेटियो। खेलभर न शीर्षक्रमका ब्याटरले जिम्मेवारीपूर्ण प्रदर्शन गर्न सके, न मध्यक्रमले नै इनिङ्स सम्हाले। सहज लक्ष्य असहज बन्दा ठूलो रनअन्तरले नेपाल निराश बन्न पुग्यो।