सुशासन र समृद्धिमा भ्रष्टाचारको तगारो

काठमाडौँ । अख्तियार दुरुपयोग अनुसन्धान आयोगको पछिल्लो पाँच वर्षको तथ्याङ्क नियाल्दा प्रत्येक वर्ष भ्रष्टाचारका उजुरी र आयोगले अदालतमा दर्ता गर्ने मुद्दा सङ्ख्याको ग्राफ बढेको देखिन्छ । यी तथ्याङ्कहरूले विसं. ०६५ मा गणतन्त्र स्थापनापछि भ्रष्टाचार न्यूनीकरण हुनुको साटो बढिरहेको हो कि भन्ने आशङ्कालाई नै बल पुर्‍याउँछ ।

बालुवाटारस्थित ‘ललिता निवास क्याम्प’ भित्रको १४३ रोपनी ६ आना ३ पैसा ३ दाम जग्गा हिनामिना प्रकरण गणतन्त्र प्राप्तिपछि सार्वजनिक भएको ठुला भ्रष्टाचार मध्येको एउटा प्रकरण हो । ललिता निवास प्रकरणमा प्रहरीको अनुसन्धान प्रतिवेदनको आधारमा ‘लिखत किर्ते’ मुद्दा दायर गरिएको थियो भने अख्तियारले भ्रष्टाचार मुद्दा चलाएको थियो ।